СК праводзіць праверку абставін смерці жанчыны ў Мінску — цела знойдзенае падчас тушэння пажару ў яе кватэры

5 лістапада, Позірк. Цела 58-гадовай жанчыны знайшлі работнікі МНС, калі тушылі пажару ў яе кватэры на вул. Бельскага ў Мінску ўвечары 4 лістапада, паведамляе прэс-служба Следчага камітэта.

Следчы разам са спецыялістамі Дзяржаўнага камітэта судовых экспертыз агледзеў жыллё і зафіксаваў сляды пажару. Для высвятлення прычыны смерці гаспадыні кватэры і абставін узгарання прызначаны комплекс экспертыз.

На гэты момант разглядаецца некалькі версій узнікнення пажару. Асноўная — неасцярожнае абыходжанне з агнём пры курэнні.

Праверку праводзіць аддзел СК па Фрунзенскім раёне Мінска.

Згодна з аператыўнымі данымі МНС, у Беларусі на пажарах 3–4 лістапада загінула чатыры чалавекі, яшчэ адзін памёр у бальніцы ад раней атрыманых апёкаў.