У Пінскім раёне фермера аштрафавалі за “несанкцыянаванае святкаванне Купалля”

19 жніўня, BPN. У Пінскім раёне (Брэсцкая вобласць) фермера аштрафавалі на 50 базавых велічыняў (1.600 рублёў) за арганізацыю “несанкцыянаванага святкавання Купалля”, паведамляе праваабарончы цэнтр “Вясна”.

У ноч на 7 ліпеня мясцовыя жыхары святкавалі Купалле на вуліцы каля будынку кавярні.

Пінская міліцыя звярнула ўвагу, што свята праходзіла без дазволу мясцовых уладаў і склала пратакол паводле ч. 2 арт. 24.23 КаАП (арганізацыя несанкцыянаванага мерапрыемства) на фермера, які зладзіў свята.