Праз праблемы з закупкай марфіну ў Вялікабрытаніі Беларусь стала імпартаваць яго з РФ

6 лютага, Позірк. Праз праблемы з закупкай марфіну ў Вялікабрытаніі Беларусь стала імпартаваць гэта абязбольвальнае з Расіі, вынікае з заявы намесніка дырэктара па навуковай працы РНПЦ анкалогіі і медыцынскай радыялогіі імя М. Аляксандрава Сяргея Краснага на прэс-канферэнцыі 6 лютага ў Мінску.

На пытанне пра даступнасць абязбольвання ракавых хворых у краіне, урач адказаў, што “лекавая бяспека — адзін з відаў дзяржаўнай бяспекі”, а “некаторыя краіны могуць праводзіць пэўны шантаж, карыстаючыся такімі рэчамі”.

“Мы мелі запас таблетаваных форм марфіну, таму складаны перыяд удалося пераадолець, — сказаў Красны. — Далей былі наладжаны сувязі з адпаведнымі вытворцамі ў Расійскай Федэрацыі. Яны павялічылі вытворчасць і нас цалкам забяспечылі. Таму цяпер асаблівых праблем не існуе”.

На пасяджэнні 154-й сесіі Выканкама Сусветнай арганізацыі аховы здароўя (СААЗ) 24 студзеня ў Жэневе начальнік аддзела знешніх сувязей Міністэрства аховы здароўя Анатоль Грушкоўскі фактычна абвінаваціў краіны Захаду ў палітычным характары спынення паставак важных медыкаментаў.

У прыватнасці ён заявіў, што Дзяржагенцтва па рэгуляванні лекаў і прадукцыі аховы здароўя Вялікабрытаніі зацягвала працэдуру выдачы ліцэнзіі на экспарт у Беларусь таблетак марфіну.

Падрабязнасці даступныя падпісчыкам “Позірк+”