За два гады колькасць тураператараў у Беларусі скарацілася на 16%

4 сакавіка, Позірк. На канец 2023 года турыстычную дзейнасць у Беларусі ажыццяўляла 1.108 арганізацый — на 7,9% менш, чым у 2022-м (1.203), і на 15,7%, чым у 2021-м (1.315), паведамляе Нацыянальны статыстычны камітэт.

Колькасць арганізаваных замежных турыстаў і экскурсантаў, якія наведалі Беларусь, вырасла ў 2023 годзе ў 1,6 разы — да 233,1 тыс. (з 143 тыс. у 2022-м).

Сярэдняя працягласць знаходжання ў Беларусі аднаго замежнага турыста — 4 дні (5; -20%).

За мяжу летась выязджала 501,2 тыс. беларускіх турыстаў і экскурсантаў (348.615; +43,8%).

Урад разлічвае на імклівае павелічэнне колькасці паездак замежных грамадзян на працягу бліжэйшых гадоў, сведчыць праведзены “Позіркам“ аналіз пастановы Савета міністраў № 903 ад 20 снежня мінулага года, які ўнёс карэктывы ў Дзяржаўную праграму “Беларусь гасцінная” на 2021–2025 гады.

Згодна з дакументам, колькасць паездак замежнікаў у Беларусь у 2023 годзе павінна была скласці не менш за 5,66 млн, 2024-м — 6,51 млн, 2025-м — 7,49 млн.

Гл. таксама:

Саюз туріндустрыі: Рост турпатоку з РФ у 2023 годзе кампенсаваў страты з іншых напрамкаў

Вялікім поспехам у замежнікаў у Беларусі карыстаюцца пластычныя аперацыі — прадстаўнік медцэнтра