МУС прызнала “экстрэмісцкім фарміраваннем” тэлеграм-канал і чат “Бобруйск 375”
Міністр унутраных спраў Іван Кубракоў
19 сакавіка, Позірк. Міністэрства ўнутраных спраў прызнала 18 сакавіка тэлеграм-канал і чат “Бобруйск 375” “экстрэмісцкім фарміраваннем”. Інфармацыя пра гэта апублікаваная ў абноўленым пераліку на сайце ведамства.
У чаце 98 удзельнікаў, тэлеграм-канал “Бабруйск 375” мае 83 падпісчыкі (не абнаўляецца са студзеня).
МУС сцвярджае, што дычыненне да “фарміравання” мае 28-гадовы Максім Хвашчынскі.
Таксама “экстрэмісцкімі фарміраваннямі” прызнаныя тэлеграм-чаты “Киселевичи” і “Центральный район (Белая Церковь, Площадь Ленина”, тэлеграм-акаўнт PremiumName. Доступу ў “Тэлеграме” да гэтых рэсурсаў няма.
У спісе “экстрэмісцкіх фарміраванняў” на сайце МУС 186 пазіцый.