Міністэрства аховы здароўя Латвіі не падтрымлівае забарону імпарту лекаў з Беларусі
28 красавіка, Позірк. Міністэрства аховы здароўя Латвіі выступае супраць забароны закупак лекаў у Беларусі і Расіі, паведамляе партал rus.tvnet.lv.
У ведамстве заявілі, што гэтыя фармацэўтычныя пазіцыі “няма чым замяніць”.
Адзначаецца, што доля лекаў з Беларусі і РФ складае каля 10% у адпаведным сегменце рынку Латвіі.
Паводле слоў дэпутата Сейма Латвіі Угіса Мітрэвіча, якія прыводзіць партал, дзяржзакупкі беларускіх і расійскіх медыкаментаў з’яўляюцца ў сённяшняй сітуацыі “абсурднымі”.
Латвійская грамадская арганізацыя “Грамадства за празрыстасць Delna” падкрэсліла, што ў Міністэрства аховы здароўя было “дастаткова часу пасля распачатай Расіяй вайны ва Украіне”, каб “пераарыентавацца і замяніць пастаўшчыкоў тавараў, як гэта было зроблена ў іншых сферах”.
Латушка: Санкцыі на лекі і вырабы медпрызначэння не ўводзіліся
11 лютага, Позірк. "Абсалютна ніякія санкцыі" на лекавыя прэпараты і вырабы медыцынскага прызначэння для Беларусі Захадам не ўводзіліся, заявіў на сваім ютуб-канале 11 лютага кіраўнік Народнага антыкрызіснага ўпраўлення Павел Латушка. "Мы ўжо неаднаразова абвяргалі такія заявы адносна лекаў, аднак гэты …
