9 траўня ў Брэсце пройдзе парад з удзелам 79 узораў ваеннай тэхнікі

3 траўня, Позірк. 79 узораў ваеннай тэхнікі “пройдуць парадным маршам па галоўнай асобе Брэста” 9 траўня, паведамілі дзяржСМІ.

Колькасць называецца “сімвалічнай”, бо сёлета будзе святкавацца 79-я гадавіна перамогі на гітлераўскай Германіяй у Другой сусветнай вайне.

Сярод іншай тэхнікі ў парадзе задзейнічаюць цяжкі танк сямейства “ІС” (расшыфроўваецца як Іосіф Сталін) часоў Вялікай Айчыннай вайны, які ўжо дастаўлены ў горад з гісторыка-культурнага комплексу “Лінія Сталіна”.

Заяўляецца, што танк прывезены па ініцыятыве абласнога ваеннага камісарыята.

У мерапрыемстве возьмуць удзел 450 чалавек, у тым ліку вайскоўцы, выхаванцы “ваенна-патрыятычных клубаў”, “рэканструктары ў форме франтавікоў”.

Ваенны парад 9 мая пройдзе ў Брэсце другі год запар.

У Мінску ваенны парад анансаваны на Дзень незалежнасці 3 ліпеня.