Мінск 22:11

Долар, расійскі рубель і юань падаражэлі на біржавых таргах 20 чэрвеня

Крыніца: unsplash.com

20 чэрвеня, Позірк. Амерыканская, расійская і кітайская валюты падаражэлі на таргах Беларускай валютна-фондавай біржы 20 чэрвеня.

Курс долара вырас да 3,1764 рубля (+0,0165, +0,52%), расійскага рубля — да 3,7577 за 100 (+0,0012, +0,03%), юаня — да 4,3291 рубля за 10 (+0,0505, +1,18%).

Еўра патаннеў да 3,4162 (-0,0196, -0,57%).

На мінулым працоўным тыдні (10–14 чэрвеня) падаражэў толькі долар — на 0,52% (з 3,1831 да 3, 1996); патаннелі юань — на 0,21% (з 4,3869 да 4,3777 за 10), еўра — на 1,06% (з 3,468 да 3,4314), расійскі рубель — на 0,06% (з 3,5869 да 3,5846 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (3,2542) — шостае месца, за чатыры месяцы — на 2,41%; у траўні знізіўся на 1,48% (3,2059) — трэцяе месца, за пяць месяцаў вырас на 0,89% (восьмае).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).

Падзяліцца:
be