21 чэрвеня, Позірк. Супрацоўнікі польскай мытнай і пагранічнай службаў спынілі кантрабанду амаль 5 тыс. пачкаў цыгарэт, схаваных у тайніку грузавога поезда, які рухаўся з Беларусі.
Як паведамляе 21 чэрвеня прэс-служба Пагранічнай аховы Польшчы, нелегальны груз знайшлі служачыя Надбужанскага аддзялення пагранаховы і Люблінскай мытна-фіскальнай службы падчас агляду таварнага цягніка на станцыі Цярэспаль, які накіроўваўся з Брэста на станцыю Малашэвічы (Люблінскае ваяводства).
Схованкі былі арганізаваныя пад трыма цыстэрнамі складу, у агульнай складанасці “паліцыянты спынілі кантрабанду амаль 5 тыс. пачкаў цыгарэт рынкавым коштам больш за 80 тыс. злотых (амаль 18,5 тыс. еўра, — “Позірк”.), гаворыцца ў рэлізе.
Удакладняецца, што факт кантрабанды расследуецца Люблінскай мытняй, а “выяўленыя тытунёвыя вырабы будуць знішчаны”.
Паводле даных Нацыянальнай падатковай адміністрацыі Польшчы, у 2023 годзе кошт выяўленай кантрабанды беларускіх цыгарэт павялічыўся ў 12 разоў — з 2 да 24 млн злотых (з 500 тыс. да 6 млн долараў).
Польскія ўлады адзначалі, што беларускія цыгарэты памежнікі выяўляюць у чыгуначным і грузавым аўтамабільным транспарце, у “грузах драўніны, вугалю, солі, у ахоўных пакрыццях вагонаў-цыстэрнаў”.
