Лукашэнка даручыў прыцягнуць да ліквідацыі наступстваў непагадзі ў тым ліку палітвязняў

19 ліпеня, Позірк. Прыцягнуць да ліквідацыі наступстваў непагадзі ў тым ліку асуджаных запатрабаваў Аляксандр Лукашэнка 19 ліпеня на селектарнай нарадзе з прадстаўнікамі сваёй адміністрацыі, урада, мясцовых уладаў.
“Я ўжо казаў міністру ўнутраных спраў (ён падключыцца, ён ведае), у нас больш за 20 тысяч сядзельцаў і так званыя палітвязні. Туды — на прасеку. Дапамажыце краіне. <…> І гараджан, і асабліва гэтых дармаедаў”, — сказаў ён (на падставе відэазапісу ў неафіцыйным тэлеграм-канале прэс-службы Лукашэнкі).
Ён загадаў адправіць на адпаведныя працы жыхароў Беларусі ў цэлым, адзначыўшы, што “адгаворкі кшталту таго, што я не пайду, не хачу, не буду, не прымаюцца”.
“Упаўнаважаныя прэзідэнта і памочнікі на месцах, прымайце рашучыя дзеянні. Не павінна быць “не”. Я яшчэ раз кажу, гэта раўнаважна вайне, толькі без стральбы. Таму ўсе павінны, перш чым “заціктокацца” там і нечага ў інтэрнэце пісануць… Ідзі вазьмі сякеру, пілу і дапамажы нешта… А пасля крытыкуй уздоўж і ўпоперак. Мабілізоўвайце насельніцтва”, — даручыў ён.
Раней паведамлялася, што на нарадзе Лукашэнка раскрытыкаваў грамадзян, “для якіх усё заўсёды будзе дрэнна”, якія “не хочуць разумець”, што ў мінулыя дні ў краіне адбылася “надзвычайная сітуацыя”.
Паводле яго слоў, ёсць людзі, якія дапамагаюць прыбіраць завалы і дрэвы, якія ўпалі, аказваюць садзейнічанне камунальнікам. Гэта, лічыць ён, “сапраўдныя мужыкі”. Ім спікер супрацьпаставіў тых, хто “пальцам не варухне”, пакуль “улады не вырашаць усе праблемы”.
Лукашэнка таксама раскрытыкаваў органы ўлады, якія займаліся ліквідацыяй наступстваў непагадзі. Паводле яго сцвярджэння, на першым этапе “адэкватнай рэакцыі на гэтую падзею — хуткай, дакладнай, ваеннай — не было”.
Непагадзь 13 і 14 ліпеня ў Беларусі прывяла да маштабных пашкоджанняў у сістэме электраперадачы, парушэнняў водазабеспячэння, разбурэнняў.
Паводле інфармацыі МНС, гэтымі днямі праз стыхію загінула шэсць чалавек.
На вечар 19 ліпеня ў Беларусі 1.378 чалавек, якіх праваабарончая супольнасць прызнае палітычнымі вязнямі. Насамрэч людзей, якія ў той ці іншай форме зазналі рэпрэсіі, значна больш.
Лукашэнка і прадстаўнікі яго рэжыму адмаўляюць наяўнасць у краіне палітвязняў, спасылаючыся на тое, што ў Крымінальным кодэксе няма “палітычных артыкулаў”.

- Грамадства, Палітыка
- ПалітыкаУ Гомелі і вобласці КДБ працягвае праверку адвакатаў — крыніца (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Эканоміка
- Грамадства, Эканоміка
- Грамадства, ЭканомікаНа чварціну вырасла за год пратэрмінаваная запазычанасць фізічных асоб па крэдытах (падрабязна)Матэрыял даступны толькі падпісчыкам ПОЗІРК+
- Эканоміка
- Эканоміка
- ЭканомікаПратэрмінаваная запазычанасць юрыдычных асоб па крэдытах за год вырасла амаль у 6 разоў (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаБанкі за месяц павялічылі прыбытак амаль на траціну — даныя рэгулятара (падрабязна)Матэрыял даступны толькі падпісчыкам ПОЗІРК+
- Эканоміка
- Эканоміка
- Грамадства, Палітыка
- Палітыка
- Грамадства
- Эканоміка
- Палітыка
- Палітыка
- Грамадства, ПалітыкаДэйкала: Адмена "пашпартнага ўказа" — адзін з першых крокаў, якія павінны быць зроблены ў кантэксце саступак ці перамоў з уладамі БеларусіМатэрыял даступны толькі падпісчыкам ПОЗІРК+