Лукашэнка прапануе змякчыць пакаранне па “антынаркатычным” артыкуле 328 КК
8 жніўня, Позірк. Аляксандр Лукашэнка ўнёс у Палату прадстаўнікоў законапраект “Аб змяненні кодэксаў па пытаннях крымінальнай адказнасці”, які прадугледжвае ў тым ліку змякчэнне пакарання па “антынаркатычным” артыкуле 328 Крымінальнага кодэкса.
Паводле інфармацыі яго прэс-службы, прапануюцца “альтэрнатыўныя больш мяккія пакаранні ў выглядзе арышту на тэрмін да трох месяцаў за набыццё або захоўванне наркотыкаў (ч. 1 арт. 328 КК); абмежаванні свабоды за разавыя выпадкі іх збыту (ч. 2 арт. 328 КК)”. У цяперашні час ч. 1 прадугледжвае пакаранне ў выглядзе абмежавання волі на тэрмін да пяці гадоў або пазбаўлення волі на тэрмін ад двух да пяці гадоў, ч. 2 — пазбаўленне волі на тэрмін ад пяці да васьмі гадоў са штрафам або без яго.
Законапраект прадугледжвае памяншэнне ніжняга памеру пакарання за збыт наркотыкаў у складзе арганізаванай групы з 10 да 8 гадоў пазбаўлення волі (ч. 4 арт. 328).
6 траўня стала вядома, што старшыня Савета Рэспублікі Наталля Качанава “адказала жорсткай адмовай” у сустрэчы з прадстаўніцамі грамадзянскай ініцыятывы “Маці 328”, якая аб’ядноўвае сваякоў асуджаных за нарказлачынствы, што сталі стражэй карацца з 2014 года.
Адзначалася, што заяўкі “Маці 328” на сустрэчы з ёй падчас асабістага прыёму грамадзян у Мінску і Жлобіне (Гомельская вобласць) 23 і 24 красавіка былі спачатку прынятыя, ім “абяцалі ператэлефанаваць”, але пазней неафіцыйна актывістам Руху “далі зразумець, што Наталля Качанава раздражнёная тэмай, а ўлады больш не маюць намеру абмяркоўваць непрапарцыйна вялікія тэрміны для непаўналетніх і іншыя праблемы асуджаных за нарказлачынствы”.
Таксама сцвярджалася, што пры спробе апублікаваць тэматычную петыцыю на спецыялізаваных сайтах “Маці 328” атрымалі “адмову мадэратараў”.
4 сакавіка паведамлялася, што генеральны пракурор Андрэй Швед “больш не будзе прымаць прадстаўніц руху “Маці 328”. Замест кіраўніка ведамства з жанчынамі 29 лютага сустрэўся яго намеснік Аляксей Стук, які паведаміў, што чаканая амністыя будзе распаўсюджвацца толькі на непаўналетніх асуджаных, “хутчэй за ўсё, ім паменшаць тэрмін зняволення на адзін год”, “а тым вязням, каму засталося сядзець да канца тэрміну менш за паўтара года, абяцаюць замену пакарання на больш мяккае”.
“Іншых паслабленняў не плануецца — такая пазіцыя пракуратуры <…>. Таксама пракуроры ініцыююць механізм умоўна-датэрміновага вызвалення, які будзе ў меншай ступені залежаць ад пазіцыі кіраўніцтва папраўчых устаноў. Яны лічаць, што начальнікі калоній злоўжываюць залежнасцю зняволеных. У цэлым Генпракуратура фактычна адмовіла ва ўсіх прапановах, пададзеных рухам “Маці 328”, — адзначалі праваабаронцы.
Удзельнікі руху “Маці 328” лічаць, што ў Беларусі занадта суровае пакаранне за правіны (у тым ліку непаўналетніх), якія варта лічыць ужываннем, а не распаўсюджваннем наркотыкаў.
На знак пратэсту супраць жорсткіх прысудаў удзельнікі руху раней праводзілі супольныя акцыі, абвяшчалі галадоўкі.
У законапраекце аб змене кодэксаў перагледжаны санкцыі 97 складаў злачынстваў, з іх 65 складаў “дапоўненыя альтэрнатыўнымі больш мяккімі відамі пакаранняў”. У 32 саставы ўнесены карэкціроўкі, у тым ліку для ліквідацыі дысбалансу ў санкцыях.
“Узмацняецца гуманістычны складнік крымінальнага закона, — сцвярджае прэс-служба Лукашэнкі. — Устанаўліваецца, што жанчынам, якія ўпершыню ўчынілі няцяжкія злачынствы, і адзінокім мужчынам, якія выхоўваюць дзяцей ва ўзросце да 14 гадоў, а таксама непаўналетнім і інвалідам першай групы пазбаўленне волі не прызначаецца. Выключэнне будуць складаць выпадкі, калі асоба здзейсніла злачынства экстрэмісцкай накіраванасці або звязанае з ужываннем гвалту. Аналагічныя правілы прадугледжаныя ў частцы заключэння пад варту”.
Пераводзяцца ў справы прыватна-публічнага абвінавачвання (узбуджаюцца на падставе заявы пацярпелага) злачынствы аб парушэнні правілаў дарожнага руху, што пацягнула прычыненне шкоды блізкім сваякам або членам сям’і вінаватай асобы (ч. 2 арт. 317 КК). Такая мера, на думку распрацоўшчыкаў, закліканая “спрыяць унутрысямейнаму ўрэгуляванню канфлікту”.
Распрацоўкай законапраекта займалася спецыяльна створаная пры адміністрацыі Лукашэнкі рабочая група.
Неабходнасць рэформы заканадаўства абумоўленая “эвалюцыйным рухам, які адбываўся ў Рэспубліцы Беларусь цягам 30 гадоў яе існавання як самастойнай, незалежнай дзяржавы”, заявіла намеснік кіраўніка адміністрацыі Лукашэнкі Вольга Чупрыс (незалежная Беларусь узнікла 33 гады таму, 30 гадоў таму яе ўзначаліў Лукашэнка, але ўлады і яе прапагандысты дзеля стварэння культу асобы менавіта яго называюць стваральнікам незалежнай дзяржавы. — “Позірк”.)
“І вось гэты эвалюцыйны рух, урэшце, прывёў да таго, што вялікая колькасць нарматыўных прававых актаў стала цяжкай для ўжывання”, — адзначыла чыноўніца.
Вынікі працы, падкрэсліла яна, павінны быць прадстаўленыя Лукашэнку налета 1 сакавіка.
18 ліпеня на сустрэчы з суддзямі Канстытуцыйнага суда ён заявіў, што прынятыя ў Беларусі нарматыўна-прававыя акты “не заўсёды працуюць на практыцы” — і гэта “вялікая бяда”.
Паводле яго слоў, цяпер дзейнічаюць 175 тыс. актаў: “Катастрофа! Некаторыя з іх цяжка чытальныя і ўспрымальныя, перагружаныя, асобныя пытанні зарэгуляваць. Многія нормы паўтараюцца, у акты ўносяцца шматлікія карэкціроўкі”.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян