8 снежня, Позірк. Аб пашырэнні санкцый у дачыненні да Беларусі паведаміў 8 снежня ўрад Вялікабрытаніі. У пашыраны санкцыйны спіс уключана 17 фізічных асоб, якія займаюць пасады суддзяў і пракурораў.
У спіс уключаны: старшы пракурор аддзела пракуратуры Мінска Раман Бізюк, суддзя Маскоўскага раёна Мінска Святлана Бандарэнка, суддзя Мінскага абласнога суда Сяргей Епіхаў, суддзя Гомельскага абласнога суда Мікалай Доля, старшы пракурор Генпракуратуры Сяргей Гіргель, пракурор Генпракуратуры Таццяна Гракун, старшы пракурор Генпракуратры намеснік начальніка аддзела дзяржаўнага абвінавачання Генпракуратуры Міхаіл Кавалёў, суддзя Мінскага гарадскога суда Сяргей Хрыпач, старшы следчы — следчы па асабліва важных справах важных спраў Галоўнага ўпраўлення па расследаванні злачынстваў у сферы арганізаванай злачыннасці і карупцыі Цэнтральнага апарата Следчага камітэта Антон Каляга.
Таксама ў абноўленым спісе — суддзі Вярхоўнага суда Валянціна Кулік і Ігар Любавіцкі, начальнік аддзела пракуратуры Гомельскай вобласці па наглядзе за адпаведнасцю закону судовых рашэнняў па крымінальных справах Дзяніс Мікушаў, суддзі Мінскага гарадскога суда Пётр Арлоў, Марына Запаснік і Валянціна Зянкевіч, Мінскага абласнога суда — Вячаслаў Тулейка.
Усе названыя асобы так ці інакш датычныя да палітычных працэсаў, неслі ці нясуць адказнасць “за рэпрэсіі грамадзянскай супольнасці ці дэмакратычнай апазіцыі ў Беларусі, удзел у іх, аказанне ім падтрымкі ці садзейнічанне ім, а таксама за дзеянні, палітыку ці дзейнасць, якія падрываюць дэмакратыю ці вяршэнства закону ў Беларусі”, гаворыцца ў рэлізе.
6 снежня Вялікабрытанія ўвяла санкцыі за садзейнічанне расійскай агрэсіі супраць канструктарскага бюро “Дысплей” з Віцебска. Бюро выпускае тэхніку для беларускага войска, у тым ліку ўдарныя беспілотнікі (“Квадра-1400”).
