У выніку рэйду сілавікоў затрымана не менш за 143 чалавекі — Стрыжак

25 студзеня, Позірк. Не менш за 143 “факты затрыманняў” выяўлена “падчас аблавы з 23 студзеня па сённяшні дзень”, паведаміў у сваім тэлеграм-канале сузаснавальнік фонду салідарнасці BySol Андрэй Стрыжак.

“Працуем далей, абараняем сваіх”, — дадаў ён.

23 студзеня па ўсёй краіне пракацілася хваля ператрусаў і затрыманняў сваякоў палітычных зняволеных, былых палітвязняў і інш. Паводле дадзеных праваабаронцаў, некаторыя з затрыманняў звязаныя з праектам харчовай дапамогі рэпрэсаваным INeedHelp, які 16 студзеня быў прызнаны “экстрэмісцкім фарміраваннем”.

Сярод іншых была затрыманая і на наступны дзень арыштаваная на 15 сутак Марына Адамовіч — жонка прызнанага палітвязнем апазіцыйнага лідара Мікалая Статкевіча, які асуджаны на 14 гадоў зняволення ва ўмовах асаблівага рэжыму ў рамках “справы Ціханоўскага”.

Гл. таксама:

У выніку рэйду сілавікоў затрымана больш за 130 чалавек — праваабаронцы