Ціханоўская прапанавала краінам ЕС зрабіць бясплатнымі візы для беларускай моладзі

24 верасня, Позірк. Прапанова краінам Еўрасаюза зрабіць бясплатнымі візы для беларусаў ва ўзросце да 25 гадоў прагучала на сустрэчы дэмакратычнага лідара Святланы Ціханоўскай і вярхоўнага прадстаўніка ЕС па замежных справах і палітыцы бяспекі Жазэпа Барэля 23 чэрвеня ў Нью-Ёрку, паведамляе тэлеграм-канал беларускага палітыка.

Бакі абмеркавалі сітуацыю з беларускімі палітвязнямі, праблему рэжыму інкамунікада, у якім іх утрымліваюць, дзейныя абмежаванні на ўезд у краіны ЕС аўтамабіляў з беларускімі нумарамі, падрыхтоўку да сустрэчы кансультатыўнай групы “ЕС — Беларусь”, правядзенне беларускіх дзён у Бруселі сёлета ў снежні.

Асобна Ціханоўская ўзняла пытанне павелічэння падтрымкі беларускіх незалежных СМІ і грамадзянскай супольнасці.

Консульскі збор за разгляд візавага хадайніцтва для беларускіх грамадзян краінамі — членамі Шэнгенскага пагаднення складае 35 еўра. Разам з тым візы ў краіны ЕС (не ўсе ўваходзяць у Шэнгенскую зону) у Беларусі атрымаць вельмі складана. Тое ж тычыцца беларусаў-палітэмігрантаў, якія жывуць у краінах, што не ўваходзяць у Шэнгенскую зону. Беларусы маюць складанасці з запісам на падачу, консульствы не могуць працаваць аператыўна праз скарочаны штат супрацоўнікаў. Грамадзяне Беларусі часта выкарыстоўваюць паслугі пасрэднікаў або купляюць туры ў любую еўрапейскую краіну, каб атрымаць шэнгенскую візу і мець магчымасць выязджаць з краіны.

Палітыка

Палітыка

ЕС працягне падтрымліваць народ Беларусі, запэўнівае Барэль, што пакідае пасаду кіраўніка еўрапейскай дыпламатыі

24 верасня, Позірк. Еўрапейскі саюз "асуджае працяг рэпрэсіі ў Беларусі і цяжкае становішча больш за 1.300 палітычных вязняў", адзначыў вярхоўны прадстаўнік ЕС па замежных справах і палітыцы бяспекі Жазэп Барэль пасля сустрэчы з дэмакратычным лідарам Святланай Ціханоўскай на палях Генасамблеі ААН у …

Чытаць