Заявы Туска аб прыпыненні права на прытулак не тычацца беларусаў, лічыць дыпламат
Марыюш Машкевіч
15 кастрычніка, Позірк. Заявы прэм’ер-міністра Польшчы Дональда Туска, якія тычацца магчымага абмежавання права на прытулак замежным грамадзянам, звязаны з успрыманнем у польскім грамадстве “праблем з мігрантамі”, заявіў падчас анлайн-сустрэчы “Вольнага Беларускага універсітэту” 15 кастрычніка дыпламат, былы амбасадар Польшчы у Беларусі (1998–2002) Марыюш Машкевіч.
“Палітыкі павінны казаць тое, што хочуць пачуць людзі”, — сказаў ён, адказваючы на пытанне “Позірку“.
Таксама Машкевіч звязаў заявы кіраўніка польскага ўрада з тым, што партыя “Грамадзянская платформа”, якую ўзначальвае Туск, з пачатку міграцыйнага крызісу крытыкавала дзеянні польскіх памежнікаў, якія “выконвалі свой канстытуцыйны абавязак па ахове краіны”.
У той жа час дыпламат выказаў меркаванне, што кіраўнік урада у сваіх заявах меў на ўвазе грамадзян не Беларусі ці Украіны, а “мігрантаў з трэціх краін”.
Туск паведаміў аб прыняцці міграцыйнай стратэгіі, падрабязнасці не прыводзяцца
15 кастрычніка, Позірк. У Польшчы прынята комплексная міграцыйная стратэгія “Вярніце сабе кантроль. Гарантаваць бяспеку”, паведаміў прэм'ер-міністр гэтай краіны Дональд Туск у сацыяльнай сетцы Х. Ён адзначыў, што гэта "рашэнне няпростае, але вельмі патрэбнае і чаканае". Асноўнай тэмай паседжання ўрада Польшчы …
