Кантраляваць выкарыстанне перададзеных Беларусі комплексаў “Тор-М2”, хутчэй за ўсё, будзе РФ — ISW

22 лістапада, Позірк. Кантроль над выкарыстаннем чарговай батарэі зенітных ракетных комплексаў “Тор-М2”, перададзенай у Беларусь, хутчэй за ўсё, будзе ў Расіі, мяркуе амерыканскі Інстытут вывучэння вайны (ISW).
Расійскія вайскоўцы, на думку аналітыкаў, інтэгруюць гэтыя новыя сістэмы ў існую расейска-беларускую рэгіянальную сістэму супрацьпаветранай абароны.
ISW звярнуў увагу на тое, што РФ працягвае перадаваць Беларусі ваенныя актывы, адначасова паскараючы намаганні па рэалізацыі ключавых аспектаў дагавора аб стварэнні Саюзнай дзяржавы.
21 лістапада Мінабароны паведаміла, што ў Беларусь дастаўленая чарговая батарэя ЗРК “Тор-М2”, дапрацаваная “расійскімі канструктарамі з улікам досведу іх выкарыстання” на вайне супраць Украіны.
3 студзеня 2023 года на ўзбраенне 15-й зенітнай ракетнай брыгады ў Фаніпалі (Дзяржынскі раён Мінскай вобласці) паступілі ЗРК “Тор-М2К”, дастаўленыя ў Беларусь у снежні 2022 года.
У жніўні 2024 года вайскоўцы гэтай брыгады на палігоне Ашулук (РФ) ажыццявілі баявы пуск з “Тор-М2” — упершыню “з рухомай баявой машыны”. “Раней пускі з гэтага зенітнага ракетнага комплексу здзяйсняліся толькі з агнявой пазіцыі”, — заявіла тады беларускае Мінабароны.
15 жніўня ў інтэрв’ю тэлеканалу “Россия” Лукашэнка заявіў, што “ў выпадку агрэсіі ў дачыненні да Беларусі, Расія ўводзіць свае падраздзяленні ў Беларусь”. Мінск, паводле яго слоў, прымае “першы ўдар, а далей — падстрахоўвае Расія”.
25 верасня на пасяджэнні Савета бяспекі РФ Уладзімір Пуцін заявіў, што Масква “пакідае за сабой права” выкарыстаць ядзерную зброю ў выпадку агрэсіі супраць Беларусі.
19 лістапада ён падпісаў Асновы дзяржаўнай палітыкі ў галіне ядзернага стрымлівання, у якой сярод іншага ўзгадваецца Беларусь.
У дакуменце пазначана, што Масква “пакідае за сабой права” выкарыстаць ядзерную зброю ў адказ на “прымяненне супраць яе і (або) яе саюзнікаў ядзернай і (або) іншых відаў зброі масавага паражэння, а таксама ў выпадку агрэсіі супраць Расійскай Федэрацыі і (або) Рэспублікі Беларусь як удзельнікаў Саюзнай дзяржавы з выкарыстаннем звычайнай зброі, якая стварае крытычную пагрозу іх суверэнітэту і (або) тэрытарыяльнай цэласнасці”.
24 лютага 2022 года Расія пачала поўнамаштабную ваенную агрэсію супраць Украіны, якая была падтрымана ўладамі ў Мінску. З пачатку ўварвання, а таксама ў асобныя перыяды пазней, тэрыторыя Беларусі актыўна выкарыстоўвалася расійскім войскам для нанясення ўдараў па Украіне.
- ЭканомікаКрук: Новыя выклікі павышаюць верагоднасць стрэсавых сцэнарыяў для эканомікі БеларусіМатэрыял даступны толькі падпісчыкам ПОЗІРК+
- ЭканомікаПалітыка, якую праводзіць Нацбанк, не адпавядае рэальнаму становішчу спраў — экспертМатэрыял даступны толькі падпісчыкам ПОЗІРК+
- Палітыка
- ЭканомікаУ студзені 2025 года больш за ўсё падаражэлі курсы замежных моў, айчынныя цыгарэты і газетыМатэрыял даступны толькі падпісчыкам ПОЗІРК+
- Грамадства, Палітыка
- ЭканомікаУлады чакаюць падзення экспарту ў РФ і спрабуюць гэта прадухіліць — дакументМатэрыял даступны толькі падпісчыкам ПОЗІРК+
- Палітыка
- Палітыка
- Палітыка
- Грамадства
- Аналітыка
- Грамадства
- ГрамадстваУ МУС лічаць неэфектыўнай прафілактыку ўцягвання непаўналетніх у злачынствы па збыце наркотыкаўМатэрыял даступны толькі падпісчыкам ПОЗІРК+
- Эканоміка
- Палітыка
- Грамадства, Палітыка
- Эканоміка
- Грамадства, Палітыка
- Палітыка
- Выбары, Грамадства, Палітыка
- Палітыка, Эканоміка
- Грамадства
- Грамадства, Эканоміка
- Грамадства, Палітыка
- Палітыка, Эканоміка
- Грамадства, Палітыка
- Грамадства, ПалітыкаЗ пачатку года суседнія краіны ЕС спынілі больш за 1 тыс. спробаў незаконнага пераходу мяжы з боку БеларусіМатэрыял даступны толькі падпісчыкам ПОЗІРК+
- Эканоміка
- Палітыка
- ПалітыкаТбіліскі гарадскі суд пачаў разглядаць скаргу беларускага праваабаронцы Кісляка на адмову ў прытулку ў Грузіі (падрабязна)Матэрыял даступны толькі падпісчыкам ПОЗІРК+