Стрыжак пра спецвытворчасць: Ну, нарэшце, прыемны падарунак на дзень св. Мікалая, працуем далей

6 снежня, Позірк. “Ну, нарэшце! Сядзім з Аляксеем Лявончыкам, лічым, у каго больш артыкулаў і тэрмін атрымаецца. Прыемны падарунак на дзень св. Мікалая. Працуем далей”, — так пракаментаваў “Позірку” пачатак завочнай спецвытворчасці супраць яго кіраўнік фонду салідарнасці BySol Андрэй Стрыжак.

“Віншаванні прымаю ў выглядзе даната на збор дзецям палітвязняў!” — дадаў ён.

6 снежня Следчы камітэт Беларусі паведаміў, што напярэдадні распачаў спецвытворчасць ў дачыненні да Стрыжака, а таксама кіраўніка фонду салідарнасці By_Help Аляксея Лявончыка і яшчэ пяці чалавек. Усім прапануецца прыйсці па адрасе г. Гомель, вул. Савецкая, 34. Там размяшчаецца упраўленне СК па Гомельскай вобласці.

(Будзе дапоўнена.)