Беларускі народ заслугоўвае свабодных і справядлівых выбараў — прадстаўнік ЕС
Святлана Ціханоўская (злева) і Кая Калас на адкрыцці выставы "галасы з турмы: мастацтва як супраціў" 11 снежня 2024 года ў Бруселі
12 снежня, Позірк. “Беларускі народ заслугоўвае свабодных і справядлівых выбараў. Ён заслугоўвае справядлівасці і жыцця без страху”, — заявіла новы вярхоўны прадстаўнік Еўрасаюза па замежных справах і палітыцы бяспекі, віцэ-прэзідэнт Еўракамісіі Кая Калас.
11 снежня ў рамках Дзён Беларусі ў Брусэлі кіраўнік еўрапейскай дыпламатыі, якая ў 2021-2024 гадах узначальвала ўрад Эстоніі, сустрэлася са Святланай Ціханоўскай, каб “прадэманстраваць салідарнасць” з палітвязнямі і іх сем’ямі.
Паводле паведамлення прэс-службы Ціханоўскай, беларускі дэмакратычны лідар падкрэсліла, што разлічвае на моцнае лідарства Калас: “Еўропе патрэбная рашучасць для падтрымкі дэмакратычнай Беларусі і Украіны, для процідзеяння тыраніі”.
Бакі абмеркавалі дапамогу беларускаму народу і спосабы ціску на рэжым, адзначае прэс-служба.
Гл. таксама:
Ціханоўская абмеркавала з патэнцыйнай кіраўніцай дыпламатыі ЕС стратэгію па Беларусі
