СК заявіў пра ідэнтыфікацыю 365 удзельнікаў пратэстных акцый за мяжой 26 студзеня

27 студзеня, Позірк. Ідэнтыфікаваныя 365 удзельнікаў пратэстных акцый, якія прайшлі за мяжой 26 студзеня, інфармацыя пра іх “далучаная да матэрыялаў крымінальнай справы”, паведамляе Следчы камітэт.
Сцвярджаецца, што ў акцыях 26 студзеня ў розных краінах прыняў удзел 581 чалавек. Сярод ідэнтыфікаваных 203 удзельнікі акцый у Варшаве, 11 — ва Уроцлаве, 18 — у Беластоку, 29 — у Вільнюсе, 39 — у Нью-Ёрку, 11 — у Празе.
СК заяўляе, што “цяпер рамках расследавання крымінальнай справы іх дзейнасць задакументаваная, прынятае рашэнне аб прыцягненні фігурантаў да крымінальнай адказнасці, у тым ліку ў парадку спецыяльнай вытворчасці”.
“Правяраецца наяўнасць у іх маёмасці і нерухомасці на тэрыторыі Беларусі, у тым ліку зарэгістраванай на іншых асоб”, — гаворыцца ў паведамленні.
Акцыі беларускай дыяспары 26 студзеня былі праведзеныя на знак пратэсту супраць мерапрыемства, якое ўлады ў Мінску называюць “прэзідэнцкімі выбарамі”. Кампанія праходзіла пад поўным кантролем чыноўнікаў і сілавікоў. ЦВК абвясціў пераможцам Аляксандра Лукашэнку, які нібыта набраў 86,82% галасоў.
13 студзеня СК паведаміў, што ў вытворчасці галоўнага следчага ўпраўлення “знаходзяцца крымінальныя справы ў дачыненні да кіраўнікоў і ўдзельнікаў розных экстрэмісцкіх фарміраванняў за межамі Рэспублікі Беларусь, якія бяруць удзел у акцыях, арганізаваных антыбеларускімі цэнтрамі”.
Сцвярджалася, што следства атрымала інфармацыю “аб планах збеглых, накіраваных на спробу дыскрэдытацыі Рэспублікі Беларусь на міжнароднай арэне і распальвання сацыяльнай варожасці, з дапамогай малалікіх вулічных акцый, якія імітуюць падтрымку радыкальных рухаў”. Сярод акцый СК згадвае перформанс “Лукашэнка ў шродэр”“, арганізаваны “Народнымі амбасадамі”.
16 траўня 2024 года Следчы камітэт паведаміў, што завёў у дачыненні да 104 удзельнікаў святкавання Дня Волі за мяжой крымінальную справу паводле арт. 3611 (стварэнне экстрэмісцкага фарміравання або ўдзел у ім) і арт. 3691 (дыскрэдытацыя Рэспублікі Беларусь) КК.
Было заяўлена, што ў рамках расследавання атрымана інфармацыя аб “аб’ектах нерухомасці і маёмасці, якія належаць падазраваным” у Беларусі. Паведамлялася аб следчых дзеяннях — “аглядах, ператрусах, накладанні арышту на маёмасць” і інш.
- Грамадства, ПалітыкаСвятар Георгій Рой: У праваслаўя ў Беларусі ёсць перспектывы па-за рускай царквойМатэрыял даступны толькі падпісчыкам ПОЗІРК+
- Палітыка, Эканоміка
- Грамадства, Палітыка
- Эканоміка
- Грамадства
- Грамадства
- Грамадства, Палітыка
- Грамадства
- Грамадства, Палітыка
- Эканоміка
- ЭканомікаКолькасць стратных прадпрыемстваў дасягнула ў Беларусі 20% (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Палітыка, Эканоміка
- Эканоміка
- Палітыка
- Грамадства
- Грамадства, Палітыка
- ГрамадстваЗа апошнія 15 гадоў на 80,5% зменшылася колькасць дзяцей, якія жывуць са сваякамі, але не бацькаміМатэрыял даступны толькі падпісчыкам ПОЗІРК+
- Эканоміка
- Эканоміка
- Грамадства
- Эканоміка
- Эканоміка
- ГрамадстваУ Беларусі памяншаецца колькасць дзяцей, якія знаходзяцца ў сацыяльна небяспечным становішчы — Мінадукацыі (падрабязна)Матэрыял даступны толькі падпісчыкам ПОЗІРК+
- Палітыка, Эканоміка
- Грамадства, ПалітыкаУ параўнанні з красавіком актыўнасць нелегалаў у траўні вырасла на межах Латвіі і Польшчы, але не ЛітвыМатэрыял даступны толькі падпісчыкам ПОЗІРК+
- Палітыка
- Палітыка
- Грамадства
- Палітыка