Намеснік міністра лясной гаспадаркі ў расійскай Карэліі заявіў аб супрацоўніцтве паміж “дзвюма рэспублікамі”

9 лютага, Позірк. Патэнцыял “для развіцця супрацоўніцтва паміж дзвюма рэспублікамі далёка не вычарпаны”, заявіў намеснік міністра лясной гаспадаркі Уладзімір Крэч падчас візіту дэлегацыі ведамства ў Карэлію (РФ) (цытата паводле паведамлення прэс-службы ведамства).

Сказана гэта было падчас “круглага стала па пытаннях развіцця супрацоўніцтва паміж Рэспублікай Беларусь і Рэспублікай Карэлія”.

Удакладняецца, што Мінлясгас вызначаны ўрадам як дзяржорган, адказны за паглыбленне эканамічнага супрацоўніцтва з Карэліяй.

Дэлегацыя наведала шэраг прадпрыемстваў, у тым ліку бізнесмена Аляксандра Шакуціна, якое ўваходзіць у структуру ўласнасці набліжанага да Аляксандра Лукашэнкі, ТАА “Амкадор-Анега”.

Тэрміны візіту не называюцца.

Карэлія — ​​суб’ект Расійскай Федэрацыі, адна з 24 рэспублік у яе складзе. Уключана ў Паўночна-Заходнюю федэральную акругу. Мяжуе з Фінляндыяй.

45-гадовы Крэч займае пасаду з 2018 года. Раней быў галоўным інжынерам Магілёўскага дзяржаўнага вытворчага лесагаспадарчага аб’яднання.