Змякчэнне санкцый у дачыненні да Беларусі выгадна Расіі, заяўляе ISW
17 лютага, Позірк. Любое паслабленне санкцый у дачыненні да Беларусі акажа станоўчы ўплыў на расійскую эканоміку, адзначае амерыканскі Інстытут вывучэння вайны (ISW).
ISW заяўляе, што Расія “выдаткавала дзесяцігоддзі” на інтэграцыю Беларусі ў сваю эканоміку “ў рамках праекта Саюзнай дзяржавы”.
Падкрэсліваецца, што Беларусь з’яўляецца “ключавым інструментам” РФ для абыходу санкцый, а эканомікі дзвюх дзяржаў інтэграваныя да такой ступені, што “паслабленне санкцый ЗША ў дачыненні да Беларусі прынясе наўпроставую выгаду расійскім вайсковым намаганням”.
Перасцярога ISW з’явілася на фоне інфармацыі аб тым, што падчас візіту ў Мінск 12 лютага намеснік памочніка дзяржсакратара ЗША Крыстафер Сміт сустракаўся з Аляксандрам Лукашэнкам і старшынём КДБ Іванам Церцелем. Паводле звестак The New York Times, гэта “была першая сустрэча спадара Лукашэнкі з высокапастаўленым чыноўнікам Дзярждэпартамента за пяць гадоў і пачатак таго, што можа стаць вельмі важным адтайваннем замарожаных адносін паміж Злучанымі Штатамі і найбліжэйшым саюзнікам Расіі”.
У публікацыі апісваецца вываз Смітам вызваленых палітвязняў Андрэя Кузнечыка і Ірыны Маўшук, а таксама грамадзяніна ЗША, імя якога па-ранейшаму не называецца.
На наступны дзень, паводле інфармацыі выдання, прадстаўнік Дзярждэпартамента правёў у Вільнюсе брыфінг для дыпламатаў.
“Наступным крокам, сказаў спадар Сміт, <…> паводле слоў людзей, якія [там] прысутнічалі, з’яўляецца магчымая вялікая здзелка, у рамках якой спадар Лукашэнка вызваліць мноства палітычных зняволеных, уключаючы вядомых. Узамен Злучаныя Штаты аслабяць санкцыі ў дачыненні да беларускіх банкаў і экспарту калійных угнаенняў”, — сцвярджаецца ў публікацыі.
Інфармацыя атрыманая “на ўмовах ананімнасці”, Дзярждэп “не адказаў на пытанні” NYT “пра гэтыя падрабязнасці”.
Крыніца, знаёмая з сітуацыяй, паведаміла “Позірку”, што артыкул грунтуецца ў асноўным на рэальнай інфармацыі, але ўстрымалася ад далейшых каментароў “у сувязі з выключнай адчувальнасцю тэмы”.
Афіцыйнай інфармацыі аб сустрэчах Сміта або якіх-небудзь іншых членаў дэлегацыі ЗША з Лукашэнкам альбо Церцелем няма.
Портнікаў: Наіўна думаць, што паслабленне амерыканскіх санкцый паўплывае на адносіны Лукашэнкі і Пуціна
16 лютага, Позірк. Анансаваная ў СМІ "маштабная здзелка" паміж адміністрацыяй прэзідэнта ЗША Дональда Трампа і Аляксандрам Лукашэнкам можа прынесці дывідэнты прэзідэнту РФ Уладзіміру Пуціну. Такую думку выказаў на сваім ютуб-канале 16 лютага ўкраінскі палітычны аглядальнік Віталь Портнікаў. Паводле яго слоў, …