Беларусь заняла трэцяе месца па росце спажывецкіх цэн у лютым 2025 года на тэрыторыі былога СССР
20 сакавіка, Позірк. Беларусь, нягледзячы на працяг жорсткага рэгулявання спажывецкага рынку, з паказчыкам 1,31% заняла трэцяе месца па росце цэн у лютым 2025 года на тэрыторыі былога СССР, сведчыць праведзены “Позіркам“ аналіз нацыянальных органаў статыстыкі.
На першых пазіцыях Казахстан (1,5%) і Эстонія (1,4%).
Далей: Кыргызстан (1%), Расія (0,81%), Украіна (0,8%), Латвія (0,8%), Азербайджан (0,7%), Літва (0,6%), Узбекістан (0,54%), Грузія, Таджыкістан (па 0,4%), Малдова (0,24%) і Арменія (0,1%).
За два месяцы 2025 года спажывецкія цэны ў Беларусі выраслі на 2,01% — шостае месца на тэрыторыі былога СССР (у студзені — на 0,69%, 10-е месца).
У першай пяцёрцы Малдова (3,07%), Эстонія (2,8%), Казахстан (2,6%), Літва (2,3%) і Расія (2,05%).
Ніжэй, чым у Беларусі, інфляцыя была ва Украіне (2%), Азербайджане (1,7%), Кыргызстане (1,6%), Арменіі (1,5%), Латвіі (1,4%), Узбекістане (1,27%), Грузіі (0,8%) і Таджыкістане (0,7%).
Туркменістан апошнія шэсць з паловай гадоў не публікуе звесткі аб інфляцыі.