Цэны на паліва ў Беларусі 19 красавіка зноў вырастуць на дзве капейкі

18 красавіка, Позірк. Узровень “гарантаваных максімальных рознічных цэн на маторнае паліва на АЗС” 19 красавіка павысіцца на дзве капейкі, вынікае з інфармацыі канцэрна “Белнафтахім”.

Цэны за адзін літр складуць:

АІ-92 — 2,46 рубля;

АІ-95 — 2,56;

АІ-98 — 2,78;

дызельнага паліва — 2,56.

Раней “Белнафтахім” паведаміў, што з 15 сакавіка ў межах паэтапнай стратэгіі адпускныя цэны на АЗС будуць павышаны на 16 капеек за літр паліва, “з крокам па дзве капейкі на тыдзень”.

Адзначалася, што рашэнне прынята з улікам “усебаковай ацэнкі эканамічнай сітуацыі, кан’юнктуры рынку нафты і нафтапрадуктаў у суседніх дзяржавах”.

20 траўня 2024 года канцэрн абвясціў пра паэтапнае павышэнне кошту аўтамабільнага паліва на восем капеек — па капейцы цягам васьмі тыдняў. Заключны, восьмы раз яно падаражэла 9 ліпеня.