Падлеткі разбіліся на матацыкле пад Мінскам
4 траўня, Позірк. Аб дарожна-транспартным здарэнні са смерцю непаўналетніх паведаміла 4 траўня МУС.
Каля сямі гадзін раніцы ў Смалявіцкім раёне (Мінская вобласць) 17-гадовы кіроўца-бяспраўнік на матацыкле “Мінск” “не справіўся з кіраваннем, з’ехаў у правы па ходу руху кювет” і ўрэзаўся ў дрэва.
Вадзіцель і яго 17-гадовы пасажыр загінулі, яны ехалі без шлемаў.
ДТЗ адбылося на аўтадарозе “Жодзіна — Зялёны Бор — Кляннік”.
На месцы здарэння працуюць супрацоўнікі ДАІ, следча-аператыўная група.
