Мытня спыніла незаконны ўвоз з Расіі партыі адзення і абутку на 300 тыс. рублёў
28 ліпеня, Позірк. Пра спыненне ўвозу з Расіі буйной партыі тавараў паведамляе Дзяржаўны мытны камітэт (ДМК).
Адзначаецца, што ў аўтамабілі перамяшчалася больш за 6,5 тыс. адзінак адзення, абутку і іншых тавараў коштам звыш 300 тыс. беларускіх рублёў.
Транспартны сродак супрацоўнікі ДМК спынілі “на 406-м км аўтадарогі М-1”, гаворыцца ў паведамленні.
“Як высветлілася падчас праверкі, дакументы, прадстаўленыя кіроўцам для кантролю, аказаліся падробленымі”, — паведаміла ведамства.
У дачыненні да беларускага перавозчыка складзены адміністрацыйны пратакол. Яму пагражае штраф да 50% ад кошту грузу.
