У Капыльскім раёне ў ДТЗ загінулі два чалавекі
28 ліпеня, Позірк. Аб смяротным дарожна-транспартным здарэнні ў Капыльскім раёне (Мінская вобласць) паведаміла прэс-служба Міністэрства ўнутраных спраў.
Аварыя адбылася 28 ліпеня каля 18 гадзін паблізу вёскі Інтэрнацыянал.
“Паводле папярэдняй інфармацыі, 66-гадовы мужчына не справіўся з кіраваннем аўтамабіля “Сітраен”, з’ехаў у левы па ходзе руху кювет, дзе аўтамабіль перакуліўся”, — адзначаецца ў паведамленні.
У выніку ДТЗ кіроўца і 69-гадовы пасажыр загінулі на месцы здарэння.
Раней паведамлялася аб гібелі 38-гадовага кіроўцы “Фальксвагена” і 35-гадовага пасажыра ў ДТЗ у Бераставіцкім раёне (Гродзенская вобласць).
