КДБ прызнаў “экстрэмісцкім фарміраваннем” ініцыятыву Synthetic overdose

24 верасня, Позірк. Камітэт дзяржаўнай бяспекі 19 верасня прызнаў “экстрэмісцкім фарміраваннем” ініцыятыву Synthetic overdose, вынікае з абноўленага 23 верасня пераліку на сайце Міністэрства ўнутраных спраў.

Адзначаецца, што датычныя да “фарміравання” Мікіта Зюзікаў і Дзяніс Ліхалет (абодва 2003 года нараджэння). Яны нібыта “ажыццяўляюць экстрэмісцкую дзейнасць шляхам публікацыі матэрыялаў, накіраваных на распаўсюд ідэалогіі нацызму, неафашызму, з адлюстраваннем сцэн гвалту і масавых забойстваў (калумбайн і скулшуцінг)”.

У структуру “фарміравання” уключаны тэлеграм-канал, які не абнаўляецца з траўня. Да гэтага моманту там публікаваліся ў асноўным мемы.

У спісе “экстрэмісцкіх фармаванняў” цяпер 351 пазіцыя.