Шосты месяц запар у Беларусі фіксуецца запаволенне росту рознічнага тавараабароту
16 кастрычніка, Позірк. У студзені — верасні 2025 года рознічны тавараабарот склаў 75,2 млрд рублёў, павялічыўшыся на 8,5% у супастаўных цэнах да аналагічнага перыяду 2024-га, сведчаць даныя Нацыянальнага статыстычнага камітэта.
У студзені 2025-га рост складаў 12,5%, студзені — лютым — 10%, студзені — сакавіку — 10,8%, студзені — красавіку — 10%, студзені — траўні — 9,3%, студзені — чэрвені — 9%, студзені — ліпені — 8,6%, студзені — жніўні — 8,6%. Такім чынам, шосты месяц запар назіраецца запаволенне росту.
