Пасля двухдзённай паўзы зноў зафіксаваныя спробы нелегальна трапіць з Беларусі ў ЕС

21 лістапада, Позірк. Два дні доўжыўся спакой на мяжы Беларусі і Еўрасаюза. 20 лістапада Польшча і Латвія зноў зафіксавалі спробы незаконнага пераходу на сваю тэрыторыю, сведчыць праведзены “Позіркам“ аналіз аператыўных звестак іх памежных службаў.

Латвія паведаміла пра 16 спробаў, Польшча заявіла, што на яе мяжы з Беларуссю іх было “больш за 10“ (дакладная колькасць стане вядомая 22 лістапада). Падляскае аддзяленне памежнай службы асобна адрапартавала аб 4 спробах пранікнення з беларускай тэрыторыі. Заўважыўшы польскія патрулі, замежнікі адышлі “ўглыб Беларусі”.

Польшча не фіксавала спробаў пераходу на сваю тэрыторыю тры дні (17-19 лістапада), Латвія — два (18 і 19 лістапада).

Па-ранейшаму спакойна толькі на беларуска-літоўскім участку мяжы, дзе актыўнасць мігрантаў не назіраецца з 1 лістапада.

Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)