На жыхара Віцебска заведзеная крымінальная справа за выраб зброі, яго затрымалі з АМАПам і спецназам
22 снежня, Позірк. Супрацоўнікі ГУБАЗіК МУС пры сілавой падтрымцы байцоў АМАПу і атрада спецпрызначэння ўнутраных войскаў “Віцязь” затрымалі 48-гадовага жыхара Віцебска, паведамляе Міністэрства ўнутраных спраў.
“Устаноўлена: мужчына вырабіў пяць адзінак агнястрэльнай зброі і яе кампаненты, каля 100 патронаў, а таксама магазіны, дульные прылады і звыш двух тысяч элементаў, неабходных для вытворчасці патронаў да наразной зброі”, — гаворыцца ў паведамленні.
Сцвярджаецца, што “фігурант валодае навыкамі і ведамі ў галіне балістыкі, слясарнай і такарнага справы”, матэрыялы для вырабу зброі ён набываў “у інтэрнэт-крамах і ў грамадзян суседняй краіны”.
Узбуджана крымінальная справа. Адзначаецца, што затрыманаму пагражае да сямі гадоў пазбаўлення волі.
