У Беларусі трэніруюцца прымяняць войскі на выпадак узнікнення ваеннай пагрозы
13 студзеня, Позірк. Сумесная штабная трэніроўка Узброеных сіл праходзіць у Беларусі 13–16 студзеня, паведамляе прэс-служба Міністэрства абароны.
Мэта мерапрыемства пад кіраўніцтвам начальніка Генеральнага штаба УС — першага намесніка міністра абароны Паўла Муравейкі заключаецца ў тым, каб “выпрацаваць аптымальны парадак прымянення груповак войскаў (сіл), іншых войскаў, вайсковых фарміраванняў і ваенізаваных арганізацый пры адным з магчымых варыянтаў абвастрэння абстаноўкі, непасрэдна звязанага з пагрозай ваеннай бяспецы Беларусі”.
“Трэніроўка з’яўляецца адным з важных элементаў навучальнага года і закладвае аснову для далейшага правядзення мерапрыемстваў па падрыхтоўцы ва Узброеных сілах”, — гаворыцца ў паведамленні.
Хрэнін сцвярджае, што стратэгічная авіяцыя ЗША адпрацоўвае ўдары па Беларусі
12 студзеня, Позірк. Стратэгічная бамбардавальная авіяцыя ЗША адпрацоўвае навучальна-баявыя задачы па нанясенні ўдараў "па нашай тэрыторыі", заявіў міністр абароны Віктар Хрэнін 12 студзеня па выніках сустрэчы з Аляксандрам Лукашэнкам. Чыноўнік, якога цытуюць дзяржСМІ, заявіў, што "ідзе развіццё і мілітарызацыя сіл …
