Траіх замежнікаў падазраюць у разбоі на замову ў Смалявіцкім раёне
16 лютага, Позірк. Пра прадухіленне ўзброенага разбою ў адным з прыватных дамоў у Смалявіцкім раёне (Мінская вобласць) паведаміла 16 лютага прэс-служба Міністэрства ўнутраных спраў.
Гэта адбылося каля 4:00. Трое “ўзброеных зламыснікаў” аказалі супраціў, “міліцыянеры выкарысталі аўтаматычную зброю”.
Двух нападнікаў затрымалі адразу. Трэці, маючы пры сабе зброю, уцёк, але пасля непрацяглых пошукаў таксама быў затрыманы.
Паводле інфармацыі МУС, “нападнікамі выявіліся замежныя грамадзяне, аднаму з іх 17, дваім — па 18 гадоў”.
“З улікам таго, што напад носіць замоўны характар, да разбіральніцтва падключаныя супрацоўнікі Нацыянальнага цэнтральнага бюро Інтэрпола. Трое пацярпелых (1958 і 1962 гадоў нараджэння) дастаўленыя ў бальніцу”, — гаворыцца ў паведамленні.
У Мінскай вобласці летась год раскрыта пяць забойстваў, учыненых з 1999-га па 2014-ы
23 студзеня, Позірк. У Мінскай вобласці ў 2025 годзе раскрыта пяць забойстваў, здзейсненых з 1999-га па 2014 год, паведаміў намеснік начальніка УУС Мінскага аблвыканкама — начальнік крымінальнай міліцыі Сяргей Якубель на прэс-канферэнцыі ў Мінску 23 студзеня. Ён згадаў чатыры з раскрытых забойстваў. …
Жыхар Гродна, абвінавачаны ў разбоі і вымагальніцтве біткоінаў на 1 млрд рублёў, прыгавораны да 13 гадоў зняволення
13 траўня, Позірк. Жыхар Гродна прыгавораны да 13 гадоў пазбаўлення волі ва ўмовах узмоцненага рэжыму па справе аб разбойным нападзе (ч. 3 арт. 207 Крымінальнага кодэкса) і вымагальніцтве крыптавалюты (ч. 3 арт. 208 КК) коштам больш як 1 млрд рублёў, паведамляе Генеральная …
