У спіс “экстрэмістаў” уключана яшчэ 24 чалавекі

27 сакавіка, Позірк. Міністэрства ўнутраных спраў 27 сакавіка дадала ў “спіс асоб, якія маюць дачыненне да экстрэмісцкай дзейнасці”, яшчэ 24 чалавекі. Цяпер у пераліку на сайце ведамства 6.448 пазіцый.

Пяць чалавек — былыя і цяперашнія байцы палка Каліноўскага, які ваюе ва Украіне, — знаходзяцца ў вышуку:

былы камандзір Дзяніс Прохараў (абвінавачанні выстаўленыя паводле ч. 1 і 2 арт. 361³, ч. 1 і 2 арт. 285, ч. 1 арт. 361¹, ч. 2 арт. 361⁴, ч. 1 і 2 арт. 290⁴, ч. 1 арт. 13 і ч. 3 арт. 289, ч. 1 арт. 13 і ч. 4 арт. 309, ч. 3 арт. 289, ч. 4 арт. 309, ч. 2 арт. 290⁵, ч. 1 арт. 357, ч. 3 арт. 361 КК),

былы намеснік камандзіра, прадстаўнік Аб’яднанага пераходнага кабінета па абароне і нацбяспецы Вадзім Кабанчук (ч. 1 і 2 арт. 361³, ч. 1 арт. 285, ч. 1 і 2 арт. 361¹, ч. 1 і 2 арт. 361⁴, ч. 1 арт. 290⁴, ч. 2 арт. 290², ч. 1 арт. 13 і ч. 3 арт. 289, ч. 1 арт. 13 і ч. 4 арт. 309, ч. 4 арт. 309, ч. 3 арт. 289, ч. 1 арт. 357, ч. 3 арт. 361, ч. 1 арт. 290⁵),

член савета камандзіраў Павел Шурмей (ч. 1 і 2 арт. 285, ч. 1 і 3 арт. 361¹, ч. 1 і 2 арт. 361⁴, ч. 1 і 2 арт. 361³, ч. 1 арт. 290⁵, ч. 1 арт. 357, ч. 3 арт. 361, арт. 369¹),

інструктар Аляксей Назараў (ч. 1 і 2 арт. 361³, ч. 2 арт. 285, ч. 3 арт. 361¹, ч. 1 і 2 арт. 361⁴, ч. 1 арт. 357, арт. 130, ч. 2 арт. 290⁵),

штурмавік атрада “Волат” Аляксей Кавальчук (ч. 2 арт. 285, ч. 1 і 2 арт. 361³, ч. 1 і 2 арт. 361⁴, ч. 1 арт. 368, арт. 361⁵, ч. 2 арт. 290⁵, ч. 1 арт. 357).

У спіс трапілі адбываючыя пакаранне Сяргей Шчарбакоў (ч. 3 арт. 361, ч. 1, 2 арт. 361⁴), Іван Кавальскі (ч. 1 арт. 361¹, ч 1 арт. 130, ч. 1 арт. 130¹), Уладзіслаў Якубоўскі (ч. 1 арт. 342, ч. 1, 2 арт. 361⁴), Наталля Дзядзюля (ч. 1 арт. 130, ч. 1, 2 арт. 361⁴), Кірыл Сарокін (арт. 369¹, ч. 2 арт. 367, ч. 1 арт. 368, ч. 1, 2 арт. 361⁴), Арцём Шабунёў (арт. 130, арт. 369, арт. 364, арт. 366), Святлана Якубовіч і Алег Вашкевіч (абодва паводле ч. 1, 2 арт. 361⁴).

Яшчэ насупраць прозвішчаў шасці чалавек, асуджаных па гэтых частках арт. 361⁴, пазначана “судзімасць не пагашаная”. Гэта Ігар Жук, Данііл Лазебны, Данііл Сачыўка, Мікіта Мароз і Аляксандр Повад. З такім жа запісам пералік папоўніўся звесткамі пра Руслана Кажашава і Дзяніса Васільева (абодва — ч. 1 арт. 361⁴), Вікторыі Бакуновіч (арт. 361¹ і 361⁴) і Ігара Неймана (ч. 1, 2 арт. 361⁴, ч. 1 арт. 368).

Яшчэ двое адбываюць пакаранне: Вадзім Дорах (ч. 1 арт. 130) і Раман Дзямідаў (ч. 1, 2 арт. 361⁴, ч. 1 арт. 368).

Даведка “Позірку”:

арт. 13 КК — падрыхтоўка да злачынства;

130 — распальванне расавай, нацыянальнай, рэлігійнай альбо іншай сацыяльнай варожасці або варажнечы;

285 — стварэнне злачыннай арганізацыі альбо ўдзел у ёй;

289 — акт тэрарызму;

290²— садзейнічанне тэрарыстычнай дзейнасці;

290⁴ — стварэнне арганізацыі для ажыццяўлення тэрарыстычнай дзейнасці альбо ўдзел у ёй;

290⁵ — арганізацыя дзейнасці тэрарыстычнай арганізацыі і ўдзел у дзейнасці такой арганізацыі;

309 — наўмыснае прывядзенне ў непрыдатнасць транспартнага сродку або шляхоў спалучэння;

357 — змова ці іншыя дзеянні, учыненыя з мэтай захопу дзяржаўнай улады;

361 — заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы;

361¹ — стварэнне экстрэмісцкага фарміравання альбо ўдзел у ім;

361³ (у ранейшай і цяперашняй рэдакцыях) — удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу;

361⁴ (у ранейшай і цяперашняй рэдакцыях) — садзейнічанне экстрэмісцкай дзейнасці;

361⁵ — праходжанне навучання ці іншай падрыхтоўкі для ўдзелу ў экстрэмісцкай дзейнасці;

369¹ — дыскрэдытацыя Рэспублікі Беларусь.