У Беларусі 10 дзён запар фіксуюцца тэмпературныя рэкорды
30 сакавіка, Позірк. Дзясяты дзень запар на метэастанцыях краіны абнаўляюцца тэмпературныя рэкорды, сведчыць праведзены “Позіркам“ параўнальны аналіз аператыўных і даступных архіўных даных Белгідрамета.
29 сакавіка перапісана 11 лакальных максімумаў, у тым ліку амаль 60-гадовай даўніны. Другі дзень запар перапісваюцца экстрэмумы ў Мінску.
Паветра ў сталіцы прагрэлася да 16,2 градуса (было 15,8 у 2007 годзе).
Агулам з пачатку сакавіка адзначана каля 190 лакальных тэмпературных рэкордаў.
На 30 сакавіка Белгідрамет змяніў першапачатковы прагноз: чакаецца не да 17, а да 19 градусаў. На метэастанцыях, размешчаных на ўсходзе Віцебскай і Магілёўскай абласцей, ужо перавышаныя дзённыя гістарычныя максімумы.
