Маці і сын загінулі на пажары ў Браслаўскім раёне

5 красавіка, Позірк. Два чалавекі загінулі ў Беларусі за мінулыя дзяжурныя суткі (з 6:00 4 красавіка да 6:00 5 красавіка), паведамляецца ў аператыўнай зводцы Міністэрства па надзвычайных сітуацыях.

Адзначаецца, што 5 красавіка ў 2:44 у ведамства паступіла паведамленне аб пажары ў жылым доме ў вёсцы Каленкішкі Браслаўскага раёна (Віцебская вобласць).

“На пажары выяўленыя загінулыя гаспадыня 1952 года нараджэння, пенсіянерка, і яе сын 1986 г.н. прычыны пажару і гібелі высвятляюцца”, — гаворыцца ў зводцы.

Паводле звестак МНС, з пачатку 2026 года ў Беларусі здарылася 2.456 пажараў — на 23,2% больш, чым за аналагічны леташні перыяд (1.994). Ад агню загінулі 242 чалавекі — на 19,8% больш, чым за той жа перыяд 2025-га (202).

Пры гэтым ведамства рэгулярна карэктуе статыстыку па смерцях у бок змяншэння.