У студзені — красавіку ВУП павялічыўся на 0,2%, год таму быў рост на 2,8%

18 траўня, Позірк. Валавы ўнутраны прадукт (ВУП) Беларусі ў студзені — красавіку 2026 года павялічыўся на 0,2%, паведамляе Нацыянальны статыстычны камітэт пасля першай ацэнкі паказчыка.

У наяўных коштах ВУП склаў 94,5 млрд рублёў.

У студзені эканоміка скарацілася 1,2% (23,3 млрд), студзені — лютым — на 1,2% (43,9 млрд), студзені — сакавіку — на 0,4% (68,2 млрд).

Згодна з зацверджанымі Аляксандрам Лукашэнкам найважнейшымі эканамічнымі прагнознымі (дэ-факта — планавымі) параметрамі на 2026 год, валавы ўнутраны прадукт павінен павялічыцца на 2,8%.

Паводле даных Белстата, аб’ём ВУП у 2025 годзе вырас на 1,3% (286,7 млрд рублёў) пры вызначаным плане ў 4,1%. Такім чынам, дасягнуты вынік на 2,8 працэнтнага пункта ніжэйшы за запланаваны.