На пасаду спікера Каардынацыйнай рады новага склікання прэтэндуюць Арцём Брухан і Андрэй Колас

19 чэрвеня, Позірк. Спікер Каардынацыйнай рады (КР) 3-га склікання Арцём Брухан і гісторык Андрэй Колас будуць весці барацьбу за пасаду спікера КР 4-га склікання, паведамляе яе прэс-служба.

Брухан прадстаўляе фракцыю “Кааліцыя Латушкі і Рух “За свабоду“ (мае 34 мандаты з 80), Колас узначальваў на выбарах спіс “Ваш голас” (4 мандаты).

Іх дэбаты адбудуцца на першым пасяджэнні КР, якое пачнецца ў 19.00 па мінскім часе пад старшынствам Юрыя Губарэвіча (“Кааліцыя Латушкі і Рух “За свабоду“).

Каардынацыйную раду першага склікання, сфармаваная адразу пасля прэзідэнцкіх выбараў 2020 года, узначальваў абраны 19 жніўня таго ж года прэзідыум з 7 чалавек. Туды ўваходзілі Святлана Алексіевіч, Лілія Уласава, Сяргей Дылеўскі, Максім Знак, Вольга Кавалькова, Марыя Калеснікава і Павел Латушка. КР другога склікання (сакавік 2023 — травень 2024) узначальваў Андрэй Ягораў, трэцяга (травень 2024 — травень 2026) — Анжаліка Мельнікава, а пасля яе знікнення — Арцём Брухан (з 14 траўня 2025 года).

Выбары ў КР чацвёртага склікання прайшлі з 12 па 19 траўня, у іх узяло ўдзел 2.113 чалавек.