Анатоль Міхнавец абраны першым віцэ-спікерам Каардынацыйнай рады
Першы віцэ-спікер КР Анатоль Міхнавец
1 ліпеня, Позірк. Дэлегат ад Руху “Воля” Анатоль Міхнавец абраны першым віцэ-спікерам Каардынацыйнай рады 4-га склікання, паведаміла ўвечары 1 ліпеня прэс-служба КР.
Адзначаецца, што за яго прагаласавала 55 з 75 членаў КР (73,3%).
Яўген Андрэйчык (“Наступ”) набраў 8 галасоў, альбо 10,7%, Павел Мар’еўскі (“Еўрапейскі выбар”) — 6, альбо 8%, Юрась Зянковіч (Блок беларускіх палітычных зняволеных “Беларусы дзеяння”) — 4, альбо 5,3%, Андрэй Колас (“Ваш Голас”) — 2, альбо 2,7%.
Адзін з гэтых чатырох дэлегатаў стане другім віцэ-спікерам КР. Вынікі чарговага галасавання стануць вядомыя ўвечары 2 ліпеня.
Падчас самапрэзентацыі 30 чэрвеня Міхнавец заявіў, што каманда, у якую ён уваходзіць, ішла ў КР з мэтай вызвалення Беларусі.
“З такой жа мэтай зараз я ўдзельнічаю ў гэтых дэбатах, каб нашыя планы, думкі і напрацоўкі былі рэалізаваны ў КР, каб мы працавалі адной камандай, камандай аднадумцаў, — адзначыў прадстаўнік Руху “Воля”. — Хачу, каб гэтая Каардынацыйная рада працавала па-іншаму. Упэўнены, што тут шмат кампетэнтных людзей, якія падзяляюць мае думкі і гатовыя працаваць у адной камандзе, і пасада віцэ-спікера дазволіць мне дапамагчы спікеру і ўсім тым людзям, якія хочуць набліжаць перамены ў Беларусі, вызваленне Беларусі, рэалізаваць гэтую працу”.
“Я хачу, каб праз год мы былі ў вольнай Беларусі і пачалі рэформы, якія ўсе мы чакаем, якія чакае народ, які жыве фактычна ў канцлагеры”, — дадаў ён.
Арцём Брухан абраны спікерам Каардынацыйнай рады 4-га склікання (дапоўнена)
20 чэрвеня, Позірк. Арцём Брухан абраны спікерам Каардынацыйнай рады 4-га склікання, паведаміла позна ўвечары 20 чэрвеня прэс-служба КР. Члена Кааліцыі "Латушка і Рух "За Свабоду", які ўзначальваў КР 3-га склікання з канца леташняй вясны, падтрымалі 62 дэлегаты з тых 66, …
