Пяцігадовая дзяўчынка выпала з акна ў Асіповічах

20 ліпеня, Позірк. Пяцігадовая дзяўчынка выпала з акна ў Асіповічах (Магілёўская вобласць), паведамляе Следчы камітэт.

Паводле папярэдніх звестак, вечарам 18 ліпеня дзіця гуляла на балконе кватэры на трэцім паверсе пад наглядам бацькі. Мужчына ненадоўга адцягнуўся, а дачка тым часам забралася на дзіцячую ванначку і выпала з акна.

Пасля падзення яна самастойна дайшла да пад’езда, адкуль яе да кватэры данесла суседка і выклікала хуткую медыцынскую дапамогу.

Раённы аддзел СК праводзіць праверку.