З пачатку года ад агню ў Беларусі загінула 350 чалавек

9 жніўня, Позірк. Два чалавекі загінулі на пажарах у Беларусі за мінулыя дзяжурныя суткі (з 6:00 8 жніўня да 6:00 9 жніўня), паведамляе ў аператыўнай зводцы Міністэрства па надзвычайных сітуацыях.

Абодва выпадкі зафіксаваныя ўвечары 8 жніўня.

У вёсцы Загай Пухавіцкага раёна (Мінская вобласць) ад агню загінуў мужчына 1978 года нараджэння.

Пенсіянер 1961 г.н. стаў ахвярай пажару ў вёсцы Квачы Глыбоцкага раёна (Віцебская вобласць).

З пачатку года ў краіне здарылася 4.440 пажараў — на 9,1% больш, чым на аналагічную дату 2025-га (4.038). Загінула 350 чалавек (325; +7,7%). Пры гэтым МНС рэгулярна карэктуе статыстыку смяротнасці на пажарах у бок змяншэння.