Місію дэмсіл у Кіеве ўзначаліла Зазулінская (дапоўнена)
Вольга Зазулінская
9 жніўня, Позірк. Місію дэмакратычных сіл Беларусі ў Кіеве ўзначаліла Вольга Зазулінская, якая дагэтуль займала пазіцыю прадстаўніка Аб’яднанага пераходнага кабінета по сацыяльнай палітыцы.
Аб кадравых зменах абвесціла дэмакратычны лідар Святлана Ціханоўская на канферэнцыі “Новая Беларусь” 9 жніўня ў Варшаве.
Абавязкі на пасадзе ў АПК будзе часова выконваць Юлія Міцкевіч (намесніца Зазулінскай). Ціханоўская чакае ад Каардынацыйнай рады прапаноў аб пастаяннай кандыдатуры на гэтую пасаду.
Каментуючы змены, яна заявіла: “Мы ўзмацняем украінскі напрамак. <…> [Зазулінская] будзе працаваць з украінскімі ўладамі, палітыкамі, мясцовымі структурамі — безумоўна, у цесным кантакце з беларусамі ва Украіне, беларускімі добраахвотнікамі, палком Каліноўскага і іншых падраздзяленняў. Спадзяюся, што гэта прызначэнне дапаможа і ў вырашэнні вельмі канкрэтных праблем беларусаў, у тым ліку з легалізацыяй”.
Святлана Шаціліна, якая раней узначальвала місію, “была абраная ў Каардынацыйную раду і працягне там сваю працу, у тым ліку па ўкраінскім напрамку”, сказала дэмлідар.
Шаціліна займала пасаду адзін год — з 10 жніўня 2025-га. На працягу двух гадоў да гэтага дэмсілы ва Ўкраіне прадстаўляў Генадзь Манько.
Афіцыйна офіс місіі пачаў працу ў Кіеве у траўні 2026 года — падчас візіту Ціханоўскай ва Украіну.
На сёння беларускія дэмакратычныя місіі і прадстаўніцтвы працуюць таксама ў Бруселі, Празе і Таліне.
Зазулінская была прадстаўніцай АПК з восені 2024 года (яе папярэдніца — Вольга Гарбунова).
Прадстаўніцтва дэмсіл заклікае ўлады Украіны адкласці ўступленне ў сілу дакумента, які зробіць нелегальным знаходжанне ў краіне беларусаў з часовымі ВНЖ
Апублікавана на адкрытай версіі "Позірку" ў 9 гадзін 31 ліпеня 30 ліпеня, Позірк. Аб прапанове дэмакратычных сіл адкласці ўступленне ў сілу пастановы Кабінета міністраў Украіны ад 5 лютага 2026 года № 141 на 180 дзён паведаміла прадстаўніца дэмсіл у краіне …
