Дзіця ў Брэсце шпіталізавана пасля падзення ў трохметровы катлаван

12 жніўня, Позірк. Аб шпіталізацыі ў Брэсце дзіцяці паведамляе Міністэрства па надзвычайных сітуацыях.

Інфармацыя, што па вуліцы Маскоўскай дзіцяці патрабуецца дапамога, паступіла ў ведамства 12 жніўня.

“Па прыбыцці да месца здарэння падраздзяленняў МНС хлопчык знаходзіўся ў катлаване раскапанай цеплатрасы на глыбіні каля трох метраў”, — гаворыцца ў паведамленні.

Работнікі МНС дасталі дзіця на паверхню і перадалі брыгадзе хуткай медыцынскай дапамогі.

Узрост пацярпелага не паведамляецца.