19 жніўня, Позірк. У студзені — ліпені 2026 года Брэсцкая вобласць была лідарам (сёмы месяц запар), Мінск — аўтсайдарам па дынаміцы сацыяльна-эканамічнага развіцця сярод рэгіёнаў, сведчыць праведзены “Позіркам” аналіз даных Нацыянальнага статыстычнага камітэта.
Валавы рэгіянальны прадукт (ВРП) павялічыўся ў Брэсцкай вобласці на 4,3% (тут і далей у гадавым вымярэнні), Мінскай — на 2,8%, Гомельскай — на 2%, Мінску — на 1,8%, Гродзенскай — на 1,2%, Магілёўскай — на 1,1%; у Віцебскай зменшыўся на 0,2%.
Сельгасвытворчасць у Гомельскай вобласці вырасла на 18,1%, Мінскай — на 15,9%, Магілёўскай — на 12,8%, Брэсцкай — на 11,6%, Гродзенскай — на 11,1%, Віцебскай — на 6,9%.
Прамысловай прадукцыі ў Брэсцкай вобласці было выпушчана больш на 5,9%, Мінскай — на 3,5%, Гомельскай — на 0,6%; менш у Віцебскай — на 0,3%, Гродзенскай — на 2,5%, Магілёўскай — на 3,5%, Мінску — на 4%.
Інвестыцыі ў асноўны капітал у Гродзенскай вобласці выраслі на 12,1%, Магілёўскай — на 11,4%, Віцебскай — на 7%, Мінску — на 6,3%, Брэсцкай — на 2,6%; у Мінскай знізіліся на 1%, Гомельскай — на 3,3%.
Агульнай плошчы жылля ў Магілёўскай вобласці ўведзена больш на 5,6%; менш у Віцебскай — на 1,5%, Брэсцкай — на 3,8%, Гродзенскай — на 7,4%, Гомельскай — на 8,3%, Мінскай — на 11,2%, Мінску — на 52,4%.
Рознічны тавараабарот у Мінскай вобласці вырас на 11,1%, Мінску — на 8,7%, Брэсцкай — на 7,2%, Гомельскай — на 7,1%, Гродзенскай — на 6,9%, Віцебскай — на 6,5%, Магілёўскай — на 5,5%.
Аптовы тавараабарот у Мінску павялічыўся на 5,8%, Мінскай — на 3,5%, Гродзенскай — на 1,7%; зменшыўся ў Гомельскай — на 0,3%, Брэсцкай — на 1,5%, Магілёўскай — на 3%, Віцебскай — на 36,1%.
Яшчэ два паказчыкі прадстаўлены за студзень — чэрвень 2026 года.
Рэальная заработная плата ў Віцебскай вобласці стала большай на 9,7%, Гродзенскай — на 8,9%, Брэсцкай — на 8,7%, Мінскай — на 7,9%, Магілёўскай — на 7,6%, Гомельскай — на 6,3%, Мінску — на 5,5%.
Сальда знешняга гандлю таварамі ў Брэсцкай вобласці сфарміравалася дадатным у памеры 1 млрд 438,2 млн долараў, Віцебскай — 825 млн, Мінскай — 625,6 млн, Магілёўскай — 557,1 млн, Гродзенскай — 540,7 млн; адмоўным у Гомельскай — -307,1 млн, Мінску — -4,356,2 млн адпаведна.
