18 жніўня, Позірк. Жыхароў Беларусі турбуе якасць прыдваровых тэрыторый — дзіцячых пляцовак і дарог, паведаміў Камітэт дзяржкантролю па выніках гарачай лініі з насельніцтвам.
Адзначаецца, што пытанні грамадзян прымаліся па нумары 191 і ў чат-бот тэлеграм-канала КДК.
Прэс-служба ведамства прыводзіць прыклад: “Жыхары дома №15 па вул. Дзенісенкі ў Гомелі (уведзены ў эксплуатацыю ў снежні 2025-га) распавялі пра адсутнасць дзіцячых гульнявых пляцовак, скрыняў і лавак каля дома”.
Пра “неналежнае ўтрыманне дарожна-вулічнай сеткі, а таксама неабходнасць яе рамонту” паведамілі кантралёрам жыхары “амаль двух дзясяткаў населеных пунктаў”.
У аграгарадку Бродніца Іванаўскага раёна (Брэсцкая вобласць) патрабуецца “асфальтаванне шэрагу вуліц”, у Барысаве па вул. Дняпроўскай каля дома № 29 “ёсць ямы”, у Мінску “прасеў тратуар па вул. Маршала Лосіка”, гаворыцца ў паведамленні.
Усяго, як заяўлена, ведамства прыняло больш за 170 паведамленняў.
Гл. таксама:
Пракуратура зноў выявіла ў Мінску небяспечныя дзіцячыя пляцоўкі
Пракуратура выявіла шэраг парушэнняў на дзіцячых пляцоўках у Клімавічах
Для прывядзення ў парадак дзіцячых пляцовак у Крычаве спатрэбілася ўмяшанне КДК
