Ад пачатку года ў АПК згарэла ці пацярпела ад агню 34 адзінкі тэхнікі

3 верасня, Позірк. Чарговае ўзгаранне зафіксавана на аб’екце аграпрамысловага комплексу, вынікае з апублікаванай 3 верасня сутачнай зводкі Міністэрства па надзвычайных сітуацыях.

Акрамя таго, апошнім часам МНС інфармавала і пра іншыя здарэнні на аб’ектах АПК.

Так, 31 жніўня ў выніку гарэння сцірты саломы ў полі каля аграгарадка Веляцін Хойніцкага раёна (Гомельская вобласць) было знішчана 5 тон саломы ў рулонах.

Папярэдні раз аб пажарах сельгастэхнікі паведамлялася таксама 31 жніўня — у полі каля вёскі Новыя Рачкавічы Слуцкага раёна (Мінская вобласць) гарэў прэс-падборшчык.

Згодна з праведзеным “Позіркам“ аналізам даных МНС, з пачатку года праз пажары пацярпела або была знішчана сама меней 34 адзінкі сельгастэхнікі.

У 2025 годзе пацярпелі або былі знішчаны не менш як 53 адзінкі. Гэта на 27,4% менш, чым за 2024 год (мінімум 73).

Намеснік начальніка галоўнага ўпраўлення нагляду і прафілактыкі МНС Дзяніс Жукоўскі 20 ліпеня паведаміў, што “найбольш распаўсюджанымі недахопамі ў забеспячэнні пажарнай бяспекі [падчас сельгасработ] з’яўляюцца незабеспячэнне гатоўнасці першасных сродкаў супрацьпажарнай абароны“: “У бягучым годзе зафіксавана ўжо 228 такіх фактаў“.

Акрамя таго, выяўлены 63 факты “незабеспячэння суправаджэння збожжаўборачнай тэхнікі пажарнай аварыйна-выратавальнай, або іншай прыстасаванай для тушэння пажараў тэхнікай”.