5 верасня, Позірк. Двое дзяцей пацярпела ў выніку аварыі, якая здарылася каля 13:00 5 верасня непадалёк ад вёскі Ермалавічы (Бялыніцкі раён Магілёўскай вобласці), паведамляе прэс-служба Міністэрства ўнутраных спраў.
Згодна з папярэдняй інфармацыяй ведамства, 38-гадовая жыхарка Магілёва за стырном аўтамабіля “Нісан” згубіла ўвагу і наехала на тросавую агароджу.
У выніку двое дзяцей — трохгадовая дзяўчынка і шасцігадовы хлопчык — шпіталізаваныя з траўмамі. Паведамляецца, што адно дзіця “перавозілася без дзіцячай утрымлальнай прылады”.
У мінулым месяцы прэс-служба УУС Магілёўскага аблвыканкама паведамляла пра смяротную аварыю, якая здарылася непадалёк ад той самай вёскі Ермалавічы. Заяўлялася, што ранкам 8 жніўня 60-гадовы кіроўца аўтамабіля КамАЗ з паўпрычэпам “пры павароце налева не даў перавагу матацыклу “Хонда”, што рухаўся ў сустрэчным кірунку”. 22-гадовы матацыкліст сутыкнення не перажыў.
