Рыбак патануў у Браслаўскім раёне

15 верасня, Позірк. Пра ўтапленне ў Браслаўскім раёне (Віцебская вобласць) мужчыны 1978 года нараджэння паведамляе Рэспубліканскае таварыства ратавання на водах (ТРВОД).

Паведамленне пра яго смерць паступіла 14 верасня ў 12:41, цела знойдзена за пяць метраў ад берага ў возеры Мацэлішкі.

Адзначаецца, што 13 верасня мужчына “адправіўся на рыбалку, да вечара перастаў выходзіць на сувязь”.

У сярэдзіне ліпеня “Позірк” паведамляў, што, паводле даных МНС, за пяць гадоў (2021–2025) у беларускіх вадаёмах патанула 1.984 чалавека, у тым ліку 132 дзіцяці. Асобна ў 2025-м — 282 (12).

У мінулым годзе доля патанулых у афіцыйны купальны сезон (з 1 траўня да 30 верасня) склала 56% (дзяцей — 58%). 59% ахвяр перад утапленнем былі ў стане алкагольнага ап’янення.