Мужчына патануў у калодзежы ў Нясвіжскім раёне

16 верасня, Позірк. Пра ўтапленне ў Нясвіжскім раёне (Мінская вобласць) мужчыны 1973 года нараджэння паведамляецца ў сутачнай зводцы Міністэрства па надзвычайных сітуацыях.

Інфармацыя аб выяўленні цела загінулага паступіла ў ведамства 15 верасня ў 12:24.

Мужчына патануў у пітным калодзежы (глыбіня 13 м, узровень вады — каля 1 м) на тэрыторыі прыватнага домаўладання ў вёсцы Квачы. Выняты з калодзежа супрацоўнікамі МНС.

У сярэдзіне ліпеня “Позірк” паведамляў, што, паводле даных МНС, за пяць гадоў (2021–2025) у беларускіх вадаёмах патанула 1.984 чалавека, у тым ліку 132 дзіцяці. Асобна ў 2025-м — 282 (12).

У мінулым годзе доля патанулых у афіцыйны купальны сезон (з 1 траўня да 30 верасня) склала 56% (дзяцей — 58%). 59% ахвяр перад утапленнем былі ў стане алкагольнага ап’янення.