Долар, еўра і юань падаражэлі на першых у лістападзе біржавых таргах

2 лістапада, Позірк. Амерыканская, агульная еўрапейская, а таксама кітайская валюта падаражэлі на таргах Беларускай валютна-фондавай біржы 2 лістапада 2026 года.

Долар падаражэў да 2,9549 рубля (+0,3%; -0,0089), еўра — да 3,3182 (+0,74%; +0,0244), юань — да 4,4496 за 10 (+0,52%; +0,023).

Каціроўка расійскага рубля знізілася да 3,6577 за 100 (-0,16%; -0,0058).

Па выніках мінулага працоўнага тыдня (26–30 кастрычніка) курс долара не змяніўся, застаўшыся на адзнацы 2,946 рубля; юаня — вырас на 0,18% (з 4,4188 да 4,4266 за 10), расійскага рубля — на 0,1% (з 3,6597 да 3,6635 за 100); еўра знізіўся на 0,18% (з 3,2997 да 3,2938).

На 2,72% знізіўся ў Беларусі афіцыйны курс долара ў кастрычніку 2026 года. Гэта другі пасля Расіі (-4,58%) паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў.

За 10 месяцаў 2026 года афіцыйны курс долара ў Беларусі вырас на 1,50% (з 2,9027 да 2,9462 рубля). Гэта сёмы паказчык пасля Украіны — 7,411% (з 42,3878 да 45,5293 грыўны), Малдовы — 7,408% (з 16,7925 да 18,0365 лея), Латвіі, Літвы, Эстоніі — 5,17% (з 0,8511 да 0,8951 еўра) і Расіі — 2,98% (з 78,2267 да 80,5573 рубля).

У цэлым на тэрыторыі былога СССР ў кастрычніку 2026 года долар падаражэў на 0,30%, з пачатку года — на 1,04%. У кастрычніку 2025-га ён патаннеў на 0,06%, з пачатку года — на 6,70%.