27 сакавіка, BPN. Прэзідэнт ЗША Джозэф Байдэн, знаходзячыся на борце свайго самалёта, правёў тэлефонную размову з беларускім дэмакратычным лідарам Святланай Ціханоўскай.
“Ён падзякаваў ёй за прысутнасць на яго выступленні ў Варшаве сёння вечарам (26 сакавіка. — BPN.). Прэзідэнт падкрэсліў нязменную падтрымку Злучанымі Штатамі беларускага народа ў абароне і прасоўванні правоў чалавека, у тым ліку свабоду выказвання меркаванняў і свабодныя і сумленныя выбары”, — паведаміў Белы дом.
“Я запэўніла прэзідэнта ЗША, што беларускі народ знаходзіцца на пярэднім краі барацьбы за свабоду, барацьбы паміж свабодай і рэпрэсіямі. Мы таксама цвёрда стаім на баку народа Украіны. Упэўнена, што свабода і чалавечнасць пераможа”, — напісала Ціханоўская ў “Твітэры”.
Байдэн наведаў Польшчу 25-26 сакавіка. Ён сустрэўся з прэзідэнтам краіны Анджэем Дудам, міністрамі абароны і замежных спраў Украіны, амерыканскімі дэсантнікамі і ўкраінскімі бежанцамі.
28 ліпеня 2021 года Байдэн і Ціханоўская правялі перамовы ў Вашынгтоне.
Аўтарызавацца
Забыліся пароль?
Выхад з профілю
